Кеңес әскерлерінің Ауғанстаннан шығарылған күніне арналған ерлік сабақтары.

Мектепте Кеңес әскерлерінің Ауғанстан жерінен шығарылған күніне орай патриоттық сезімді, Отанға деген сүйіспеншілікті, елдің өткеніне құрметпен қарауды, өзге ұлттарға бауырмалдық көзқарасты тәрбиелеу мақсатында ерлік сабақтары өткізілді. Бұл күні жігіттер Ауған соғысы және осы соғыстың зардаптары туралы көп мағлұмат алды, өздері дайындап, жауынгерлердің ерліктері мен марапаттары туралы баяндамалар жасады. Уақыттың өз жады – тарихы бар. Сондықтан да әлем әртүрлі дәуірлерде жер шарын дүр сілкіндірген қасіреттерді, соның ішінде миллиондаған адамдардың өмірін қиған, өркениеттерді кері қайтарған, адам жасаған ұлы құндылықтарды жойған сұрапыл соғыстарды ешқашан ұмытпайды.